Мақсаттары мен міндеттері

«Монополияға қарсы сарапшылар альянсы» ҚБ (бұдан әрі - Бірлестік) негізгі мақсаттары :

• қазақстандық монополияға қарсы органмен ынтымақтастықта монополияға қарсы заңнаманы қолданудың тиімді практикасын қалыптастыру;
• бәсекелестікті қорғау және дамыту саласында тиімді мемлекеттік саясатты қалыптастыруға қатысу;
• сараптамалық қоғамдастық пен қазақстандық монополияға қарсы орган арасында бәсекелестік мәселелері бойынша конструктивтік диалог өткізуге жәрдемдесу;
• бәсекелестік мәселелері бойынша норма жасау қызметіне қатысу;
• бәсекелестікті реттеу мәселелерін талдау және әлемдік тәжірибені пайдалану;
• заңгерлер мен экономистердің бәсекелестік түсінігін қалыптастыруға жәрдемдесу;
• монополияға қарсы реттеу мәселелері бойынша кең сараптамалық және кәсіби қоғамдастықты қалыптастыруға жәрдемдесу (бәсекелестікті реттеу).

Негізгі мақсаттарына қол жеткізу үшін Бірлестік келесі қызметті жүзеге асырады:

• монополияға қарсы заңнаманы қолдану практикасын мониторингілеу;
• қазақстандық монополияға қарсы органмен монополияға қарсы заңнаманы қолданудың өзекті мәселелерін талқылау;
• монополияға қарсы органға монополияға қарсы заңнаманы қолдану мәселелері бойынша ұсынымдар әзірлеу;
• жеке пікір қалыптастыру, монополияға қарсы заңнаманы қолдану мәселелері бойынша сараптамалық тұжырымдамалар (ұсынымдар) әзірлеу;
• бәсекелестікті қорғау және дамыту мәселелері бойынша ғылыми-зерттеу жұмыстарын орындау;
• монополияға қарсы органмен, оның аумақтық бөлімшелерін қоса алғанда, Қазақстан Республикасының басқа да мемлекеттік органдарымен, сондай-ақ жергілікті өзін-өзі басқару органдарымен, қазақстандық және шетелдік ұйымдармен, баспасөз, радио және телевизия өкілдерімен ынтымақтастықты дамыту;
• Интернет желісіндегі жеке сайтын құру және қолдау;
• өткен жылғы жұмыс нәтижелері туралы жыл сайынғы есеп әзірлеу;
• Бірлестік қызметіне қатысты ақпаратты оның мүшелері арасында тарату;
• бәсекелестікті қорғау және дамытудың құқықтық және экономикалық мәселелеріне зерттеу жүргізу;
• іскерлік ынтымақтастықты, Бірлестік мүшелері арасында тәжірибе алмасуды ұйымдастыру;
• Қазақстандағы және шетелдегі монополияға қарсы заңнаманы қолдану мәселелеріне арналған ашық іс-шараларды ұйымдастыру және қатысу (симпозиумдар, семинарлар, конференциялар);
• Практикада қолданатын заңгерлер, экономистер және монополияға қарсы заңнаманы қолдану мәселелеріне қызығушылық танытатын ЖОО студенттері үшін семинарлар мен тренингтер ұымдастыру;
• Бірлестік қызметінің ашықтығын қамтамасыз ету.